O’ SOLE MIO        Capurro – Di Capua (1898)

Che bella cosa na jurnata 'e sole!...

N'aria serena doppo a na tempesta...

Pe' ll'aria fresca pare giá na festa...

Che bella cosa na jurnata 'e sole!...

Ma n'atu sole

cchiù bello, oje né,

'o sole mio,

sta 'nfronte a te...

'O sole,

'o sole mio,

sta 'nfronte a te...

sta 'nfronte a te!

Lùceno 'e llastre d''a fenesta toja;

na lavannara canta e se ne vanta...

e pe' tramente torce, spanne e canta,

lùceno 'e llastre d''a fenesta toja...

Ma n'atu sole

.....................

Quanno fa notte e 'o sole se ne scenne,

mme vène quase na malincunia...

sott''a fenesta toja restarría,

quanno fa notte e 'o sole se ne scenne...

Ma n'atu sole

.....................